المتعارف عليه إن المادة لما يطلق عليها : amphoteric .. يعني بتتفاعل مع الحمض كقاعدة .. وبتتفاعل مع القاعدة كحمض ..
بس عيبها انها مادة ضعيفة ..
لكن الفكرة بحد ذاتها ليذة ..
بتفكرني بمثل : معاهم معاهم عليهم عليهم ..
بس ده تشبيه سلبي .. ومش مطلوب نكون سلبيين ملناش موقف محدد أو وجهة نظر أو تصرف مرسوم ومدروس !
كمان ممكن نشبهها بالحكمة اللي بتقول : لا تكن صلبا فتكسر ولا لينا فتعصر .
يعني خليك amphoteric ... وهي دي الفكرة اللي بتكلم عنها .. انك تكون وسط .. متوازن .. والسلبية في التشبيه الأول ممكن تكون إيجابية بحد ذاتها .. ازاي ؟ .. إنك تكون ادام الناس غامض .. ميقدروش يعرفوا تصرفاتك أو يتكهنوا بخطوتك الجاية .. فتكون كلك مفاجآت ..
المعنى كبير وعميق اوي ورا كلمة واحدة بس هي amphoteric ..
ممكن نقولها لواحد متعصب ومتنرفز جدا بعد موقف ضايقه ..
وممكن نقولها لحد شخصيته ضعيفة مش قادر ياخد خطوة إيجابية واحدة
ممكن نقولها لحد متطرف لجهة أو عقيدة أو فكرة معينة ..
وممكن نقولها كمان لحد بدون رأي أو وجهة نظر ..
استعمالاتها ودلالاتها هتكون كتيــــــــر جدا ...
فخليك amphoteric
..
هناك تعليق واحد:
دعوه
ininacc الأخت العزيزه
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://dear.to/cairo
إرسال تعليق